Bray... Bral

Karya: Suherman Komara

Sumber Foto: Penulis

Bray... 

Geura nyingray

Lalangsè 

Poè

Itu gunung bangun ngungun

Dikeukeupan ku halimun

Diharudung

Bangung bingung

Bray

Geura ngagebray

Mata poè geuwat nguniang

Sangkan buana ngempray caang

Halimun geura tundung

Mèga hideung sina nyingkah

Bukakeun jalan nu ngabulungbung

Ngajajap sakumna umat nyiar kifayah

Bral geura miang

Jug geura tandang

Pangdunga marengan

Berkah salamet jauh tina rèwangan